شاہین دسمبر میں کیویز کے دیس اُڑان بھریں گے

0

دنیائے کرکٹ سے ایک اور اچھی خبر سامنے آگئی۔ نیوزی لینڈ کی حکومت نے کیوی کرکٹ بورڈ کو پاکستان اور ویسٹ انڈیز سے سیریز کھیلنے کی اجازت دےدی۔پاکستان کرکٹ ٹیم کو اس سال کے آخر میں 2 ٹیسٹ اور 3ٹی ٹوئنٹی میچز کے لئے نیوزی لینڈ جانا ہے۔ اس حوالے سے اب نیوزی لینڈ کرکٹ نے ہوم سیریز کے انعقاد کیلئے حکومتی اجازت کی تصدیق کردی ہے۔
نیوزی لینڈ کرکٹ کے مطابق پاکستان اور ویسٹ انڈیز کیخلاف سیریز طے کردہ پروٹوکولز کے تحت ہو گی۔ ویسٹ انڈیز اور پاکستان سے سیریز کا شیڈول آئندہ ہفتےجاری ہوگا۔
یوں اب نیوزی لینڈ موجودہ حالات میں انٹرنیشنل کرکٹ کی میزبانی کرنے والا تیسرا ملک ہوگا۔ اس سے قبل انگلینڈ نے ویسٹ انڈیز، پاکستان اور آسٹریلیا کیخلاف سیریز کی میزبانی کی جبکہ پاکستان آئندہ ماہ زمبابوے کیخلاف سیریز کی میزبانی کرے گا۔

Leave a Reply

This site uses Akismet to reduce spam. Learn how your comment data is processed.

%d bloggers like this: