مشکل حالات میں قوم کوتنہا نہیں چھوڑیں گے، فردوس عاشق اعوان

0

وزیراعظم کی معاون خصوصی فردوس عاشق اعوان کا کہنا ہے کہ غریب، ناداراورپسماندہ علاقوں کے عوام کوریلیف پہنچانا وزیراعظم عمران خان کاعزم ہے،کروناوباء کے باعث جوخاندان معاشی طورپر بری طرح متاثر ہوئے حکومت ان کے ساتھ کھڑی ہے۔وزیراعظم عمران کی معاون خصوصی فردوس عاشق اعوان کا کہنا ہے کہ گزشتہ روز سے احساس ایمرجنسی پروگرام کا باقاعدہ آغازکردیا گیا ہے۔ ادائیگیوں کویقینی بنانے کے لیے ملک بھرمیں 17 ہزارمراکزقائم کیے جاچکے ہیں۔ 144 ارب میں اب تک 49.2 ارب روپے بینکوں کومستحقین کے لئے ریلیزہوچکے ہیں۔فردوس عاشق اعوان نے کہا کہ وزیراعظم کا بلوچستان کا دورہ پسماندہ اور دور افتادہ علاقوں میں کرونا کے خلاف جاری قومی کاوشوں کو تقویت دینا ہے۔ متحد ہوکرچیلنج پرقابوپائیں گے اورسرخرو ہوں گے۔ وزیراعظم نے بلوچستان کے عوام کیلئےاشیائے خوردونوش کی بلاتعطل فراہمی اور صوبے بھر میں مستحقین کیلئے راشن کی بروقت ترسیل ممکن بنانے کیلئے ٹھوس اقدامات کی ہدایت کی ہے۔
فردوس عاشق اعوان نے کہا کہ غریب، ناداراورپسماندہ علاقوں کے عوام کوریلیف پہنچانا وزیراعظم عمران خان کاعزم ہے۔حکومت مشکل حالات میں قوم کو تنہا نہیں چھوڑے گی۔ معاشی سرگرمیوں کو جاری رکھنے اورروزگار کے مواقع کو پیدا کرنے کیلئے مربوط حکمت عملی مرتب کرنے پر زورعمران خان کی بلوچستان کے عوام کے ساتھ وابستگی اوراحساس کی علامت ہے۔

Leave a Reply

This site uses Akismet to reduce spam. Learn how your comment data is processed.

%d bloggers like this: