عامر خان نے باکسنگ رنگ سے ریٹائرمنٹ کا عندیہ دے دیا

32 سالہ باکسر کا کہنا ہے کہ میرے لیے اگلی فائٹ بہت اہم ہے، اس میں میرے مستقبل کا فیصلہ ہو گا کہ میں باکسنگ کھیلتا رہوں گا یا جلد کھیل سے ریٹائر ہو جائوں گا۔ میرے لیے میرا کھیل جنون ہے، میں اپنے آپ کو ریٹائرمنٹ پر مجبور بھی نہیں کرنا چاہتا۔ان کا کہنا تھا کہ 12 جولائی کو بھارتی حریف نیرج گویاٹ کا سامنا کرنے کے لیے بیتاب ہوں جیتنے کی پوری کوشش کروں گا مگر توقعات پر پورا نہ اترا تو مستقبل کے حوالے سے فیصلہ کرنے میں دیر نہیں کروں گا۔ میں نے کھیل میں جو حاصل کرنا تھا کر لیا، اسی لیے میں اپنے کھیل سے محظوظ ہو رہا ہوں۔عامر خان نے بھارتی کھلاڑی نیرج گویاٹ کا سامنا کرنے کا انتخاب کیا ہے۔ جولائی میں ہونے والی فائٹ کی انعامی رقم 70 لاکھ برطانوی پاؤنڈز یعنی کم و بیش ایک ارب روپے رکھی گئی ہے۔ اگلے ماہ جدہ میں ہونے والی فائٹ کے دوران پاکستانی نژاد برطانوی باکسر نے خواہش کا اظہار کرتے ہوئے ایک خط وزیراعظم عمران خان کے نام لکھا جس میں کہا گیا کہ سعودی عرب میں ہونے والی فائٹ دیکھنے کے لیے خصوصی طور پر آئیں۔ انہوں نے بھارتی وزیراعظم نریندر مودی کو بھی خط کے ذریعے میچ دیکھنے کی دعوت دی تھی۔عامر خان کا کہنا تھا کہ میں اس فائٹ کے ذریعے پاکستان اوربھارت کی عوام کو قریب لانا چاہتا ہوں۔ دونوں روایتی حریف ممالک میں بہت ساری ٹینشن موجود ہیں جسے کھیل کے ذریعے دور کیا جا سکتا ہے۔

شاید آپ یہ بھی پسند کریں

جواب چھوڑیں

آپ کا ای میل ایڈریس شائع نہیں کیا جائے گا.

This site uses Akismet to reduce spam. Learn how your comment data is processed.