جرمن پولیس کی کارروائیاں!!!

زیرحراست چار مشتبہ افراد ’’دہشت گرد‘‘تنظٰیم بنا کر گزشتہ برس ستمبر سے پُر تشدد کارروائیوں کی منصوبہ بندی کررہے تھے اور ایک دوسرے سے فون، آن لائن فورمز اور چیٹ گروپس کے ذریعے رابطے میں تھےجبکہ دیگر 8 افرادکو مالی وسائل اور ہتھیاروں کے ذریعے اس تنظیم کی معاونت کے شبے میں گرفتار کیا گیا ۔جرمنی کے فیڈرل پراسیکیوٹر آفس کے مطابق دائیں بازو کے شدت پسندوں پر مشتمل یہ تنظیم جمہوری نظام اور سماجی ہم آہنگی کو تباہ کرکے خانہ جنگی کے حالات پیدا کرنا چاہتی ہے اور اس کے لیے سیاست دانوں، جرمنی میں پناہ کے حصول کی کوشش کرنے والے افراد اور مسلمانوں پر حملے کی منصوبہ بندی کررہی تھی۔امیگریشن کے حامی ایک سیاست دان اور یہودیوں کی عبادت گاہ پر حملے کے بعد جرمن حکومت نے دائیں بازو کے شدت پسندوں کے خلاف گزشتہ برس سے کریک ڈاؤن کا آغاز کررکھا ہے۔جرمنی کی مقامی خفیہ ایجنسی کے مطابق ملک میں اندازاً 24 ہزارسے زائد ’’دائیں بازو کے شدت پسند‘‘ موجود ہیں اور ان کی نصف تعداد ممکنہ طور پر تشدد کی کارروائیوں میں ملوث ہوسکتی ہے۔
شاید آپ یہ بھی پسند کریں

Leave a Reply

This site uses Akismet to reduce spam. Learn how your comment data is processed.

%d bloggers like this: