نیشنل کوارڈینیشن کمیٹی کااجلاس کل وزیراعظم عمران خان کی زیرصدارت ہوگا

0

نیشنل کوارڈینیشن کمیٹی کا اجلاس وزیراعظم عمران خان کی زیرصدارت ہوگا جس میں چاروں صوبوں کے وزرائے اعلی ویڈیو لنک کے ذریعے اجلاس میں شریک ہوں گے، اجلاس میں وفاقی وزراء، اعلی عسکری حکام، معاونین اور چئیرمین این ڈی ایم اے شریک ہوں گے، وزیراعلی گلگت بلتستان اور وزیراعظم آزاد کشمیر بھی اجلاس میں شریک ہوں گے۔
پنجاب لاک ڈاون کے حوالے سے تین آپشنز قومی رابط کمیٹی میں پیش کرے گا، پنجاب مزید 10 دن کے لئے لاک ڈاون کے اقدامات کو جاری رکھنے کی تجویز دے گا، پنجاب کچھ کاروباری اداروں کو احتیاطی تدابیر کے ساتھ مخصوص اوقات میں کام کی اجازت کی تجویز پیش کرے گا، پنجاب کرونا کے متاثرہ علاقوں میں سخت لاک ڈاؤن کی پالیسی جاری رکھنے کی تجویز دے گا۔ ذرائع کے مطابق سندھ لاک ڈاون میں مزید سختی کا خواہشمند ہے۔ بلوچستان اورکے پی کے نے بھی سفارشات تیارکرلی ہیں، نیشنل کوارڈنیشن کمیٹی اتفاق رائے سے صورتحال کے تناظر میں آئندہ لائحہ عمل طے کرے گی۔
معاون خصوصی ڈاکٹر ظفر مرزا شرکاء کو کرونا کی صورتحال پر بریفنگ دیں گے، چئیرمین این ڈی ایم شرکاء کو حفاظتی اقدامات اور سامان کی ترسیل پر بریفنگ دیں گے، وزرائےاعلی صوبوں کی صورتحال کے حوالے سے آگاہ کریں گے۔ لاک ڈاوں میں نرمی یا سختی کرنے کے حوالے سے مشاورت سے فیصلے ہوں گے، غریبوں کے ریلیف کے لیے اٹھائے گئے اقدامات کا بھی جائزہ لیا جائے گا

Leave a Reply

This site uses Akismet to reduce spam. Learn how your comment data is processed.

%d bloggers like this: