نام نہاد احتساب سے سیاسی جماعتیں ختم نہیں ہوسکتیں،چودھری نثار

تفصیلات کے مطابق وزیرداخلہ چوہدری نثار نے کہا ہے کہ نام نہاد احتساب کے ذریعے سیاسی جماعتیں ختم نہیں کی جاسکتیں، موجودہ صورتحال ملکی ترقی، خوشحالی اور مستقبل کے لیے زہر قاتل ہے۔ انہوں نے کہا کہ بھارت سے یکطرفہ تعلقات بحالی کی کوششیں پاکستان کی عزت نفس سے متضاد ہے۔ ان کا کہنا تھا کہ پاکستان سے دوستی مودی کے ضمیر میں شامل نہیں، حکومت بھارت کو مذاکرات کی میز پر نہیں لاسکی۔ چوہدری نثار نے کہا کہ امریکہ اور طالبان کے درمیان مذاکرات مثبت پیش رفت ہے، پاکستان نے فریقین کو ایک میز پر لانے کے لیے پہلی بار کردار ادا نہیں کیا بلکہ پہلے بھی ایسا ہوتا رہا ہے۔ انہوں نے کہا کہ عمران خان کا ٹرمپ کے بیان پر رد عمل درست اور مثبت قدم تھا۔ سابق وزیر داخلہ نے مزید کہا کہ اپوزیشن کو حکومت کو کارکردگی دکھانے کے لیے مزید موقع دینا چاہیے۔

شاید آپ یہ بھی پسند کریں

جواب چھوڑیں

آپ کا ای میل ایڈریس شائع نہیں کیا جائے گا.

This site uses Akismet to reduce spam. Learn how your comment data is processed.