میٹرک نتائج سے متعلق پالیسی میں ایک بار پھر تبدیلی

0

فیڈرل بورڈ آف ایجوکیشن نے میٹرک کے نتائج سے متعلق پالیسی میں ایک بار پھر تبدیلی کرتے ہوئے امتحان میں 40 فیصد مضامین میں فیل ہونے والے طلبہ کو پاس کرنے کا فیصلہ کرلیا۔
فیڈرل بورڈ آف ایجوکیشن نے میٹرک امتحان کی پالیسی میں تبدیلی کا نوٹیفکیشن جاری کر دیا۔ بورڈ حکام کا کہنا ہے کہ پرائیویٹ امیدوار بھی اس پالیسی سے مستفید ہو سکیں گے، سپلی امتحان دینے والے طلبہ و طالبات بھی اس پالیسی سے فائدہ حاصل کر سکیں گے۔
نوٹیفکیشن کے مطابق پرائیویٹ امیدوار جو 40 فیصد مضامین میں فیل تھے انہیں پاس کر دیا جائے گا، ایسے امیدواروں کے نتائج کا اعلان جلد کر دیا جائے گا۔ فیڈرل بورڈ نے سابق اور پرائیویٹ امیدواروں کو سالانہ نتائج میں پاس نہیں کیا تھا۔
اس سے قبل فیڈرل بورڈ نے میٹرک نتائج میں کم نمبروں والے طلبہ کے لیے خصوصی امتحانات کا اعلان کیا تھا اور اس حوالے سے نوٹیفکیشن بھی جاری کردیا گیا تھا ۔ نوٹیفکیشن میں کہا گیا ہے کہ خصوصی سالانہ امتحانات کاآغاز 23 ستمبر سے ہوگا جبکہ داخلہ فارم جمع کرانے کی آخری تاریخ 10 اگست مقرر کی گئی ہے۔

Leave a Reply

This site uses Akismet to reduce spam. Learn how your comment data is processed.

%d bloggers like this: