اسلام آباد،پنجاب اورخیبرپختونخوا کے مختلف شہروں میں بادل برس پڑے

ملک کے مختلف حصوں میں ہونے والی بارش اور تیز ہواؤں نے موسم بدلنے کا سندیسہ دے دیا،،،۔ شہر اقتدار اسلام آباد میں رات گئے ہونے والی بارش اور ژالہ باری کے بعد موسم خوشگورا ہو گیا۔سیالکوٹ شہر اور گردونواح میں گھنگھور گھٹائیں آئیں اور جم کر برسیں، تیز آندھی و بارش کے باعث موسم خُوشگوار ہو گیا، گرمی اور حبس سے نڈھال شہریوں کے چہرے کھل اٹھے۔پسرور، نارووال، وزیر آباد اور گردونواح کے علاقوں میں بھی بار ش نے خوب رنگ جمایا۔ متعدد فیڈر ٹرپ ہو گئے، نشیبی علاقوں میں پانی جمع ہو گیا، کئی علاقوں میں بجلی کی فراہمی معطل رہی۔
گوجرانوالہ اور گردونواح میں آندھی کے بعد بارش ہوئی، گرمی کا زور ٹوٹ گیا۔ کلر سیداں اور گردونواح میں طوفانی بارش کے باعث متعدد درخت اور سائن بورڈ اکھڑ گئے۔ بجلی کی مین لائن ٹوٹ کر سڑک کے درمیان آگری، بجلی کا نظام درہم برہم ہو گیا۔ ٹریفک پولیس، محکمہ جنگلات اور واپڈا کے اہلکار منظر سے غائب رہے۔میرپور آزاد کشمیر شہر اور گردونواح میں بھی تیز ہواؤں کے ساتھ موسلادھار بارش ہوئی، کئی علاقوں میں بجلی کا نظام متاثر ہوا، میرپور آزاد کشمیر شہر گردونواح کے درجنوں دیہات میں بجلی بند ہوگئی۔

شاید آپ یہ بھی پسند کریں

جواب چھوڑیں

آپ کا ای میل ایڈریس شائع نہیں کیا جائے گا.

This site uses Akismet to reduce spam. Learn how your comment data is processed.